辣辣搿搭茶室里碰头，情调勿推扳。
侬要吃啥茶？来壶柠檬红茶喝喝好伐？
再弄点瓜子、腰果、杏仁咾啥剥剥。
王兄，侬现在辣辣跑啥生意了？
搿两日工作我回头脱了，下个月有家独资公司聘我去。
老兄有噱头个！勿像我死样怪气个单位里捂辣海。
侬应该跳槽，我介绍侬到阿拉连襟额公司去做。
侬额艺术细胞太丰富唻，做装潢设计完全来赛。
朋友淘里，我讲出了末，就帮忙帮到底。
